Za no est inoche chi ammus a bantare sos Sardos, populu bidustu chi giai dae sa Preistoria àt gherrau chin su pacu chi produchiat s’isola sua, chi dat in donu bistas galanas ma abba e recattu pacu. In medas chirros de s’Isula sos chi b’istan si la colan tirande animosos e chin nobilesa sa bida de cada die, accasazande zente connotta e istranzos.
In Sardigna b’àt cuntrastos meda, gai chi sos pastores paschen in locos innedda de sa zente ma fintzas sutta de sas tziminieras de s’indùstria petrolchìmica, e gai chi sas biddas turìsticas sun a làcana chin sos “istazzos” bidustos.
Commo za no est una terra pòvera, ma za est prena de problemas, ube s’òmine gherrat sa bida, chentza che dassare s’identidade.